,,ფორთოხლისფერი მსოფლიო - შეწყვიტე ძალადობა ქალებისა და გოგონების მიმართ!“ ქედის მუნიციპალიტეტის მერია უერთდება გენდერული ძალადობის წინააღმდეგ ბრძოლის 16 დღიან კამპანიას. ღონისძიებას უძღვებოდა მოწვეული ტრენერი ბათუმის გენდერის მედიაცენტრის დირექტორი თამილა დოლიძე. კამპანიის ფარგლებში დაიბეჭდა საინფორმაციო ფლაერები, სადაც დატანილია ინფორმაცია, იმ სახელმწიფო სერვისების შესახებ, რომელიც ძალადობის მსხვერპლს მიეწოდება. ღონისძიებაზე საზოგადოების ცნობიერების ამაღლების აუცილებლობაზე, სახელმწიფო სტრუქტურების ჩართულობასა და პრევენციული გზების მოძიების მნიშვნელობაზე ისაუბრეს. კამპანია მსოფლიო მასშტაბით ხორციელდება და ის 25 ნოემბრიდან 10 დეკემბრის ჩათვლით გრძელდება. ხვალიდან აქცია ქედის ადმინისტარაციულ ერთეულებში გადაინაცვლებს. კამპანიის მიზანია საზოგადოების ცნობიერების ამაღლება ოჯახში ძალადობის შესახებ და ამ პრობლემის დასაძლევად საზოგადოების ჩართულობის აუცილებლობის ხაზგასმა. 27 ნოემბრიდან, 8 დეკემბრის ჩათვლით საინფორმაციო კამპანია ,,არა ძალადობას" ადმინისტრაციულ ერთეულებში გაიმართება.