3 მარტს, ქედის საჯარო სკოლის სპორტდარბაზში, ინტელექტუალური თამაშის ,,რა? სად? როდის?" მუნიციპალური შესარჩევი ტური გაიმართა.

შეჯიბრში მუნიციპალიტეტის 16 საჯარო სკოლის გუნდი მონაწილეობდა, რომელთაგან პირველობა წონიარისის მოსწავლეებმა არავის დაუთმეს, მეორე ადგილს ცხმორისის გუნდი, ხოლო მესამეს დაბა ქედის საჯარო სკოლა დაჯერდა.

ჩემპიონატს აჭარის სპორტისა და ახალგაზრდულ საქმეთა დეპარტამენტის მიზნობრივი პროგრამის ფარგლებში, აჭარის ინტელექტკლუბი ახორციელებს, ხოლო ორგანიზებას მერიის სპორტისა და ახალგაზრდულ საქმეთა განყოფილება უწევდა.

საპრიზო ადგილზე გასული გუნდები თასებით, სიგელებითა და ფასიანი საჩუქრებით დასაჩუქრდნენ. გუნდები 20 აპრილს ბათუმში, რეგიონულ ჩემპიონატში მიიღებენ მონაწილეობას.

მორიგი წარმატებები ქედელ ინტელექტუალებს!