ამ წუთებში, ქედის მერი ლევან გორგილაძე, ,,ქედის მუნიციპალიტეტში 2018 წლის 29 მაისს განვითარებული სტიქიის (ძლიერი წვიმისა და სეტყვის) შედეგად დაზარალებული ოჯახების მდგომარეობის შემსწავლელი ადგილობრივი კომისიის" წევრებს ხვდება.

კომისიას მერის მოადგილე გურამ ბერიძე თავმჯდომარეობს. ადგილობრივებთან ერთად კომისიის მუშაობაში მოწვეული წევრები ჩაერთვებიან: აჭარის ა რ ჯანმრთელობისა და სოციალური დაცვის მინისტრის მოადგილე რამაზ ჯინჭარაძე, აჭარის ა რ სოფლის მეურნეობის სამინისტროს მთავარი სპეციალისტი ქედის მუნიციპალიტეტში სოსლან შერვაშიძე და ექსპერტი სოფლის მეურნეობის საკითხებში ირაკლი ონიანი.

კომისია საველე მუშაობას დღეიდან ოფიციალურად შეუდგება.