ზუნდაგის მრავალფუნქციური სახლის დარბაზში, დღეს ქედის მუნიციპალიტეტის სამოქალაქო მრჩეველთა საბჭოს პირველი გასვლითი - საინფორმაციო შეხვედრა გაიმართა ადგილობრირივ მოსახლეობასთან.

შეხვედრას საბჭოს წევრებთნ ერთად, მუნიციპალიტეტის მერი ლევან გორგილაძე, არასამთავრობო და დონორი ორგანიზაციების წარმომადგენლები ესწრებოდნენ.

აღსანიშნავია, რომ საქართველოს მასშტაბით, პირველი პრეცენდენტი შეიქმნა და ქედის მერის სამოქალაქო მრჩეველთა საბჭომ დამოუკიდებლად მოიპოვა გრანტი, რომლის მიზანია ქედის მუნიციპალიტეტის სოფლებში საბჭოს ფუნქციებზე ცნობიერების ასამაღლებელი კამპანიების განხორციელება.

კამპანია ,,ღია საზოგადოება საქართველომ“ დააფინანსა პროექტის ,,ქედის მერის მრჩეველთა საბჭოს ინსტიტუციური გაძლიერება“ ფარგლებში.

ლევან გორგილაძემ არასამთავრობო ორგანიზაციებს მადლობა გადაუხადა თანამშრომლობისთვის და მოქალაქეებთან კომუნიკაციის ამ მექანიზმის გაძლიერების მნიშვნელობაზე ისაუბრა.

შეხვედრის მონაწილეებს სპეციალური საინფორმაციო ცნობარი დაურიგდათ, რომელშიც გარდა საკონტაქტო ინფორმაციებისა, აღწერილია მრჩეველთა საბჭოს ფუნქციები, კომპეტენციები, მოქალაქეთა ჩართულობის ფორმები და მექანიზმები.

მსგავსი ტიპის შეხვედრები ყველა ადმინისტრაციულ ერთეულში გაიმართება.