მუნიციპალიტეტის თანამონაწილეობითი ბიუჯეტის საბჭომ, დღეს მოსახლეობასთან საინფორმაციო შხვედრები ოფიციალურად დაიწყო.

შეხვედრები დაბის ორ უბანში - აკავრეთასა და ეკნარაში გაიმართა. ადგილობრივებს ახალი პროექტის - ,,მოქალაქეთა თანამონაწილეობა ადგილობრივი ბიუჯეტის დაგეგმვის პროცესში" დეტალური ინფორმაცია საბჭოს თავმჯდომარე ჯემალ ტაკიძესთან ერთად, ქედის მერმა ლევან გორგილაძემ დასაკრებულოს თავმჯდომარე შუქრი თურმანიძემ მიაწოდეს.

პროექტის არსი, საპროექტო იდეების რეგისტრაციისა და ხმის მიცემის პრეცედურები, განხორციელების ვადები, საბჭოს კომპეტენციები - ეს ის საკითხები იყო, რომელზეც დღეს შეხვედრებისას ისაუბრეს.

მუნიციპალიტეტის ხელმძღვანელმა პირებმა პროექტის სიკეთეს გაუსვეს ხაზი და აღნიშნეს, რომ უფრო დემოკრატიულია ხალხის ხმა ამ ფორმით ისმოდეს თვითმმართველობაში, ვინაიდან თითონ განსაზღვრავენ თუ რა უნდა გაკეთდეს კონკრეტულად მათსავე უბანში და თითონვე ირჩევენ განსახორციელებელ პროექტებს!

მერმა მოქალაქეებს პროექტში აქტიურად ჩართვისკენ კიდევ ერთხელ მოუწოდა.